Ditën e sotme Prokuroria e Tiranës dha konkluzionet përfundimtare për dy autorët e dyshuar të vrasjes së biznesmenit Edmond Papa, ngjarje e ndodhur ndodhur në dhjetor 2022 në kryeqytet.
Për të dyshuarin si ekzekutor të 49-vjeçarit, Andrew Bode, organi akuzës kërkoi një dënim prej 30 vitesh burg për “vrasje me paramendim” kryer në bashkëpunim dhe “mbajtje pa leje të armëve”.
Ndërsa për Alban Velo, 30-vjeçarin që u vu në pranga pak ditë pas ngjarjes, nga ana e Prokurorisë u kërkuan 25 vite burg.
Kujtojmë se biznesmeni Edmond Papa, u ekzekutua më 16 dhjetor 2022, në zonën e Selitës në Tiranë, ku autorët qëlluan 9 herë në drejtim të tij dhe më pas u larguan nga vendngjarja. Papa ndërroi jetë gjatë transportimit në spital.
Edmond Papa ishte pronar i hotelit “Blue Sky” në qytetin e Sarandës, dhe vrasja e tij deri më sot është hetuar si një akt hakmarrjeje.