Edi Rama ka komentuar përplasjet dhe debatet e brendshme në Partinë Socialiste, duke iu përgjigjur edhe pyetjeve mbi deklaratat e Elisa Spiropali gjatë një bashkëbisedimi me botuesin e “Koha Jonë”, Nikollë Lesi.
I pyetur për tensionet e mundshme brenda PS-së dhe qëndrimet e disa figurave të partisë, Rama u ndal fillimisht te Erion Braçe, duke e përshkruar atë si një figurë konstante në qëndrimet e tij politike.
Në vijim të diskutimit, kryeministri u pyet edhe për deklaratat e Spiropalit, të cilat u interpretuan si kritike ndaj zhvillimeve të brendshme në parti. Rama u shpreh se nuk i sheh këto si problematike dhe se “janë normale për sa kohë nuk prekin vijën e kuqe”.
Duke folur më tej, ai theksoi se çdo person mund të gabojë, por sipas tij, përsëritja e gabimeve është ajo që përcakton kufirin e tolerancës brenda partisë.
“Dy herë e fala, të tretën jo më”, u shpreh Rama, duke lënë të nënkuptohet se ekziston një kufi për tolerimin e sjelljeve apo deklaratave të përsëritura.