Ndonëse kanë kaluar goxha kohë që kur është shkëputr nga muzika, Erion Korini mbetet një emër i njohur për të gjithë.
I ftuar në emisionin “Rudina” në Tv Klan Korini zbulon dashurinë e tij që ruan për muzikën.
I njohur si një artist që qëndron larg skandaleve, kësaj radhe na zbulon një moment “skandali” nga jeta e tij artistike.
Pjesë nga intervista:
Rudina: Në kohën kur ti ke ushtruar muzikën dhe ke kënduar ka qenë një kohë pak më e qetë, këngëtarët ishin më formalë, ishin më të kujdesshëm, kurse tani duket se kanë një garë kush ka skandalin më të parë në mënyrë që të marrin vëmendje.
Erion Korini: E di si ka qenë në atë kohë… Mbaj mend bëra një turne me Sabianin nëpër Shqipëri dhe tentuam aty tek qendra estetike që të provonim të bënin një fije floku ndryshe (të lyer me bojë) dhe pak prerje të vetullës. Kur dolëm nëpër intervista apo nëpër koncerte u gjykuam aq keq sa çfarë nuk na quajtën dhe e kemi vuajtur jashtëzakonisht shumë. Pra ka qenë një kohë tjetër, paragjykoheshim shumë. Kur shohim sot se çfarë po ndodh, ato tonat dukeshin qesharake.
Rudina: Po në atë kohë dukeshin shumë, sepse ishin hapat e parë që bëheshin në drejtim të këtyre zhvillimeve, ‘shoëbiz-it’.
Erion Korini: Ka ndryshuar jashtëzakonisht shumë. Madje madje një këngëtar që kishte kohë që kishte humbur nga tregu italian, merr makinën një natë, për faktin që nuk po çante dot në treg dhe nuk po dëgjoheshe, merr makinën një natë dhe hyn në supermarket me makinë dhe kur e pyetën pse e bëre thotë ‘thjesht që të kujtohej emri im përsëri’.
Rudina: Ja pra si funksionon. Kjo është një strategji që e përdorin shumë artistë.