A e dinit se britaniku Adam Morse që në fillimet e karrieres e mbajti të fshehtë verbërinë e tij.
“Secili prej nesh mendoj, duhet të përpiqet të tregojë se çfarë mund të bëhet. Kjo më motivon mua për të bërë filma, jo vetëm për të argëtuar njerëzit, për të treguar histori, për të provuar. Dua të bëj një ndryshim në botë me artin” shprehet aktori.
Morse tregon se procesi i tij në punë është si i çdo drejtuesi tjetër filmash.
“Procesi për mua është identik si për çdo drejtues tjetër. Nëse flisni me ndonjë nga aktorët e mi, ekipin tim, ata do të tregojnë të njëjtën gjë. Dua të them, ka pak dallime. Unë kam një monitor më të madh duke u përpjekur të shoh me cepin e syrit aq sa mundem. Disa detaje mund edhe të më humbasin, por e mira është që filmat bëhen në parapërgatitje dhe disa vendime ndryshojnë gjatë rrugës.”
Vite më vonë, pasi luajti në serialet televizive “See”, filmi artistik “Lucid” dhe në një reklamë të Super Boël ai vjen në një intervistë për “Reuters” në muajin e ndërgjegjësimit për të verbrit.
Morse më tej shton se shpreson të jetë një shembull për të tjerët që jetojnë me aftësi të kufizuara.
“Unë mund të krijoj një rrugë për të tjerët, brezin e ardhshëm te artistëve dhe ata që jetojnë me aftësi të kufizuara ose verbëri dhe që duan të jenë në industrinë e filmit, duan të aktrojnë. Më këtë unë u them: Hej mos pyesni nëse është e mundur apo jo, por shikoni këtë djalë.”
Ju bëjmë me dije se Morse humbi pjesën më të madhe të shikimit në vitin 2009 në moshën 19-vjeçare, kur u diagnostikua me një sëmundje të rëndë.
“Nuk ndihesha rehat të flisja për gjendjen time më parë, sepse çdo herë që e bëja, gjithmonë do të merrja një reagim negativ. Dua të them, njerëzit para meje do të kishin komente të tilla si “oh, uau , ju jeni i verbër dhe dëshironi të bëni filma, kjo është e mahnitshme. Më pas unë do largohesha dhe nuk do dëgjoja më asgjë. Kuptohej ishte një refuzim që akumuloi shumë tek unë dhe krijoi një pasiguri për gjendjen time emocionale”.
Teksa ai po përgatiste “Lucid”, shumë pak njerëz ishin në dijeni për verbërinë e tij.
“Aktori Billy Zane ishte një nga njerëzit, që në filmin “Lucid”, ushtroi nje presion të nevojshëm mbi mua për të dalë dhe për t’u treguar i sinqertë se kush isha dhe gjendjen time. Më kujtohet ajo që më tha kur i besova dhe i tregova për veten. Ai nuk mund ta besonte, para së gjithash. Por më pas ai tha “Duhet t’u tregosh njerëzve”. Unë u pergjigja ‘Absolutisht jo, në asnjë mënyrë’. E vetmja arsye pse jam këtu është sepse njerëzit nuk e dinë se jam i verbër. Nuk do ta kisha pasur kurrë këtë mundësi, nëse, do ta dinin ata”. Dhe ai tha: “Epo, po njerëzit pas jush”.
Morse e fton publikun që të vijë të ndjekë çfarë ndodh në prapaskenë për çdo gjë që ai realizon.
“Ndikimin që kanë pasur tek njerëzit projektet e mia në prapaskenë, është më i madh. Dhe, unë mund ta ndiej këtë nga, nga përgjigja, mesazhet dhe reagimi që kam pasur. Jam i hapur për mënyrën se si punoj, mund t’i ftoj kamerat ta ndjekin atë proces nga afër në realizimin e filmit tim të ardhshëm.”
Qëllimi i aktorit britanik nuk është vetëm të jetë pjesë e industrisë së filmit, por edhe të sjellë ndryshime dhe të nxisë lëvizje që të njihen dhe të pranohen akoma më shumë artistët me aftësi të kufizuara. Projektet e ardhshme të Adam Morse përfshijnë një dokumentar për të dhe filmin e tij të ardhshëm, i cili ka të bëjë me shëndetin mendor dhe muzikën.
