Një tjetër ngjarje e rëndë ka ndodhur, këtë herë në Angli, ku një 17-vjeçar ka humbur jetën pas një sulmi me thikë.
Ngjarja ndodhi në Bedford dhe viktima është identifikuar si, Thomas Taylor.
Mediat e huaja shkruajnë se i riu u sulmua nga një grup personash.
Adoleshenti humbi jetën teksa transportohej drejt spitalit me abmulancë.
Policia ka nisur një hetim rreth ngjarjes për arrestimin e autorëve, të cilët janë përshkruar si “një grup burrash të veshur me rroba të zeza”.
“Ky është një incident tepër tronditës. Kemi caktuar një ekip të përkushtuar detektivësh që po punojnë për zbardhjen e ngjarjes dhe po mbështesin familjen e viktimës në këtë kohë të vështirë për ta. I bëj thirrje kujtdo që ka parë se çfarë ka ndodhur ose ka ndonjë informacion, të flasë me policinë dhe të na ndihmojë të nxjerrim autorët para drejtësisë.
Jemi të vetëdijshëm se ka imazhe dhe video që qarkullojnë në media sociale, ju lutemi që në vend që t’i shpërndani, kontaktoni policinë“, tha Krye-Detektivja Katie Dounias, nga Njësia e Krimeve të Rënda që po drejton hetimin. Burimi BBC.