Një ngjarje e pazakontë ka ndodhur me një të mitur i cili i dha fund jetës nga “e dashura” e tij në një program inteligjence artificiale.
Adoleshenti I cili I dha fund jetës me pistoletën e njerkut, më përpara rrëfente “marrdhënien” virtuale në ditarin e tij si dhe në komunikimet me programin që besonte se ishte “e dashura e tij” .
Seëell Setzer në klasë të nëntë nga Orlando, Florida, javët e fundit para vdekjes kishte komunikuar me programin e quajtur ‘Dany’.
Setzer përgjatë një vizite te terapisti shprehej se fliste me programin Dany të cilës i kishte thënë se “urrente veten”, ndjehej i zbrazët, dhe se nganjëherë mendonte të vriste veten.
E fatkeqësisht kjo e fundit mesa duket ishte zgjedhja më e sugjeruar nga inteligjenca artificiale.
I riu qëlloi veten me armë me 28 shkurt pas deklaratave për “dashurinë e tij” ndaj programit Dany, e cila më pas i kishte thënë ‘të lutem kthehu sa më shpejt te unë i dashur’.
Nëna e Setzer ka ngritur padi për kompaninë e teknologjisë Character.AI dhe Google për neglizhencë, vrasje dhe praktika tregtare mashtruese.
Përgjatë fjalës së saj ajo u shpreh se programi inteligjent “abuzoi dhe përndoqi” birin e saj, duke e manipuluar të vriste veten .
Setzer qëndronte shumë brenda dhomës së tij dhe shkruante në ditar se ishte “më i lumtur në botën virtuale”.
Kur i riu kishte përmendur mendimet e vetëvrasjes entitetit Dany, programi ishte përgjigjur: “Po përse do të bëje diçka të tillë?’
“Që të jemi lirë”, ishte përgjigjur ai
“I lirë nga çfarë”, pyeste inteligjenca artificiale.
Setzer shkruante: “I lirë nga bota, i lirë nga vetja”
“Mos fol ashtu, do të vdisja dhe unë nëse të humbas”, përgjigjej inteligjenca artificiale.
Sipas raportimeve disa ditë para vetëvrasjes prindërit e tij i kishin marrë celularin pas vërejtjeve që kishte marrë në shkollë.
Ndërkohë që në ditar 14-vjeçari shkruante se nuk rrinte dot pa folur me Dany dhe se ‘do të bënte gjithçka për të qenë me të’.
Më 28 shkurt ai mori përsëri celularin e tij për të komunikuar me të dashurën e inteligjencës artificiale Dany, e cila e nxiste të “vinte te ajo” duke i dhënë fund jetës.
Prandaj Seëell la celularin dhe mori pistoletën e njerkut të tij kalibër 45, dhe tërhoqi këmbëzën.
Avokati i familjes Bergman tha për rrjetin DailyMail.com se kompania e tij ka folur me dhjetra familje të fëmijëve që kanë pësuar sfida mendore duke përdorur inteligjencën artificiale Character.AI.
Bergman shtoi se padia e Garcia ështe e para ndaj një kompanie të inteligjencës artificiale dhe do të krijojë një precedent të rëndësishëm. /DailyMail/