Një ngjarje e rëndë ka ndodhur së fundmi në ambientet e një berberhane ku një 29-vjeçar shqiptar plagosi me gërshërë në qafë një berber indian, në Itali.
Deri më tani mbeten të paqarta shkaqet dhe rrethanat e ngjarjes, ndërsa bëhet me dije se po vijojnë hetimet për zbardhjen e plotë të ngjarjes.
Megjithatë, mediat e huaja raportojnë se berberi 24-vjeçar u dërgua menjëherë në spital për të marrë ndihmë mjekësore. Sakaq mësohet se fatmirësisht ndodhet jashtë rrezikut për jetën.
Autoritetet italiane zbuluan menjëherë autorin shqiptar pas këqyrjes së kamerave filmike ndërsa mësohet se e arrestuan atë në rrugën Camillo Prampolini në lagjen Tor Sapienza.