Një ngjarje e rëndë ka ndodhur në Vlorë ku sipas burimeve mësohet se një 70-vjeçar ka dhunuar për vdekje bashkëshorten e tij.
64-vjeçarja ndërroi jetë në spitalin e Traumës në Tiranë, pasi nuk arriti t’i mbijetonte dëmtimeve të marra.
E.D. u arrestua nga policia e Vlorës, ndërsa ende nuk janë zbuluar arsyet e dhunës së ushtruar.
“Policia Vlorë arrestoi shtetasin E. D., 70 vjeç, banues në Vlorë, pasi dyshohet se ka dhunuar fizikisht bashkëshorten e tij, shtetasen H. D., 64 vjeçe, e cila për shkak të dëmtimeve të shkaktuara nga dhuna, ka humbur jetën në spitalin e Traumës”, sipas njoftimit të policisë.