Një 24-vjeçar shqiptar, raportohet se është goditur me thikë në Riccione, Itali.
Ngjarja e rëndë ka ndodhur të shtunën në mbrëmje (7 shtator) rreth orës 21:30, jo shumë larg portit.
Pasi u qëllua me thikë, i riu është tërhequr zvarrë për disa metra derisa ka rënë përtokë përballë një hoteli.
Kanë qenë disa persona dhe turistë të pranishëm në hotel ata që i kanë dhënë ndihmën e parë dhe kanë lajmëruar ambulancën.
I riu, pasi është bërë më mirë është shprehur se nuk e njihte personin që e kishte sulmuar. Policia po heton ngjarjen, e cila ka ndodhur në një zonë ku nuk ka kamera survejimi.
Policia është në kërkim të dëshmitarëve të mundshëm për të rindërtuar atë që ka ndodhur.