TIRANË– Policia ka finalizuar operacionin policor të koduar “Imediat”. Bëhet fjalë për 68-vjeçarin E.Agalliu i cili u mor peng nga persona. Policia ka arrestuar dhe identifikuar 5 personat e përfshirë në këtë ngjarje.
EMRAT:
Sulejma Sina
Klinton Sina
Idajet Mashollari
Bajram Ibraliu
Nikoleta Begovi
NGJARJA E PLOTË:
Nga hetimi ka rezultuar se shtetasi E.Agalliu ka pasur një lidhje intime me shtetaden Nikoleta Begovi, e cila për këtë lidhje ka vënë në dijeni bashkëjetuesin e saj shtetasin Sulejman Sina i cili së bashku me shtetasin Klinton Sina dhe Idajet Mashollari kanë marrë forcërisht në automjetin e tyre shtetasin E.Agalliu të cilin e kanë dërguar në fshatin Kakunjë Baldushk në një banesë të braktisur duke e mbajtur të lidhur ku e kanë kërcënuar që tju dorëzonte 20 milion lekë
Morën me forcë dhe mbajtën peng në një zonë periferike, një 68-vjeçar, si dhe kërcënuan bashkëshorten e tij, për t’i marrë 2 000 000 lekë. Kapen pas disa orësh, 5 shtetas që bashkëpunuan për kryerjen e këtij krimi.
Sekuestrohen 1 746 000 lekë nga shuma që bashkëshortja iu dha këtyre shtetasve.
Menjëherë pas informacioneve të siguruara nga inteligjenca policore, se më datë 29.04.2025, disa shtetas kishin marrë me forcë një shtetas, të cilin e kishin mbajtur peng dhe në këmbim të lirisë së tij i kishin marrë një shumë të madhe parash, specialistët e Sektorit për Hetimin e Krimeve të Rënda kanë organizuar punën për identifikimin dhe arrestimin e autorëve.
Si rezultat i veprimeve të shpejta dhe profesionale, të kryera në kuadër të operacionit “Imediat”, u arrestuan 5 shtetasit e dyshuar të implikuar në këtë rast, konkretisht: shtetasit S. S., 31 vjeç, K. S., 21 vjeç (vëllezër), I. M., 21 vjeç, B. I., 57 vjeç dhe N. B., 32 vjeçe, të gjithë banues në Tiranë.Nga hetimet, pamjet filmike dhe provat e siguruara ka rezultuar se shtetasit S. S., K. S. dhe I. M., në rrugën “George W. Bush”, kanë marrë me forcë në një automjet dhe kanë mbajtur peng, në një banesë të braktisur të fshatit Kakunjë, shtetasin E. A., 68 vjeç. Dhe më pas kanë telefonuar bashkëshorten e tij, të cilën e kanë shantazhuar për jetën e 68-vjeçarit, duke i kërkuar shumën prej 2 000 000 lekësh. Kjo shumë i është dorëzuar shtetasit B. I., në zonën e Saukut.Në vijim të veprimeve për zbardhjen e plotë të ngjarjes, janë kryer kontrolle në banesat e këtyre shtetasve si dhe në një automjet me të cilin lëviznin shtetasi S. S. dhe shtetasja N. B., ku u gjetën dhe sekuestruan 1 746 000 lekë të dyshuara të marra nëpërmjet kanosjes, nga bashkëshortja e shtetasit E. A.Materialet procedurale iu referuan Prokurorisë së Tiranës, për veprime të mëtejshme./Radar.al