“Mbretëresha Camilla është diagnostikuar me një infeksion të rëndë në gjoks dhe për këtë arsye po tërhiqet nga të gjitha paraqitjet publike”, njoftoi Buckingham Palace.
Sipas njoftimit, bëhet me dije se infeksioni respirator nga i cili vuan mbretëresha Camilla është i rëndë dhe për këtë arsye ajo do të jetë e distancuar nga aktivitetet të paktën një javë.
“Ajo shpreson të shërohet në kohë për të marrë pjesë në ngjarjet e planifikuara rregullisht të kësaj fundjave”, thuhet më tej në njoftim.
Ndërsa Mbreti Charles po trajtohet për një formë të pazbuluar të kancerit dhe shtyu angazhimet me publikun në shkurt, përpara se të rifillojë ngjarjet publike në prill.
