Që pas mbarimit të “Big Brother Vip 2” ku dhe ishin pjesëmarrëse, Olta Gixhari dhe Kiara Tito mbajtën një marrëdhënie disi të ftohtë mes tyre.
Nëpër rrjet aludohet se shkaku i kësaj ishin përplasjet e forta që dy vajzat kanë pasur në lojë.
Në daljet e tyre vajzat pranonin konfliktin e ngrirë, duke mos dashur që të mos flisinin për njëra-tjetrën aspak.
Por tashmë, thuajse mbas një viti nga “BBVA 2” raporti mes dy vajzave është rikuperuar.
Olta Gixhari dhe Kiara Tito janë bërë bashkë në një event që u zhvillua në Tiranë, më konkretisht festa e ”Top Media”.
Burimet na kanë zbuluar se ka qenë Kiara Tito, e cila është ulur në tavolinën ku ndodheshin Sara dhe Olta.
Të pranishmit kanë bërë me dije se dy vajzat kanë folur me njëra-tjetrën dhe kanë qëndruar në të njëjtën tavolinë përgjatë gjithë mbrëmjes.
Ka qenë pikërisht blogerja Sara Hoxha ajo që ka shërbyer edhe si ndërmjetësja mes tyre, duke afruar dy vajzat pas konflikteve të vjetra që kanë pasur më herët.
Nuk i dihet nëse “akulli mes tyre” do arrihet të thyhet apo jo. Këtë do e shohim me kalimin e kohës.