Ndërkohë që shumë emra të rinj po përfliten të marrin në dorë moderimin e emisioneve në Top Channel, kurioziteti është i madh për ‘fatin’ e Bora Zemanit.
Ndërsa thuhet se emisioni ‘Dancing With the Stars’ nuk do të mbahet këtë vit sepse nis më herët BBV4, nuk dihet çfarë i është besuar Borës.
Top Channel ka nisur të zbulojë pak nga pak të rejat e sezonit të vjeshtës.
Por emri i Borës nuk duket gjëkundi.
Kujtojmë këtu që partneri i saj dhe kunati, vëllezërit Veshaj duket se i kanë prishur relatat me Top Channel. Emrat e tyre u përfolën se do ishin moderatorët e Fiks Fare, por shpejt në lajmet e TCH u konfirmuan Jul Deda dhe Xhemi Shehu.
Ndërkohë sot Top Albania Radio, ka bërë një shkrim për Borën, duke i thurur elozhe pamjes së saj të jashtme. Madje shkrimin e TAR e ka ripublikuar dhe TCH.
“Në përfundim, Bora Zemani ka ndikuar në mënyrë të ndjeshme në skenën mediatike shqiptare përmes emisionit të saj të suksesshëm dhe stilit të saj të veçantë. Ndryshimi i saj i pamjes është një tjetër shembull i inovacionit dhe adaptimit të saj në një industri që vazhdimisht po evoluon”, shkruan TAR.
Përgatiti Radar.al