Policia e Korçës njoftoi sot se ka vënë në pranga një shtetas 45-vjeçar, i identifikuar në media si Aleks Ago, që jeton në fshatin Fitore të Devollit, pasi dyshohet se ka ngacmuar seksualisht një të mitur 15-vjeçar.
Por teksa familjarët e Aleks Agos pretendojnë se akuzat për ngacmim seksual që rëndojnë mbi 45-vjeçarin janë të pavërteta, ka folur nëna e 15 vjeçarit.
“Unë punoj në rrobaqepësi prej 16 vitesh. Kur kam ardhur në darkë ka qenë ora 07:00, dhe djali ishte i shoqëruar me një shokun e tij. I them ku ishte? Ky po qëndronte i trembur nuk po fliste, ndërsa shoku i tij i thoshte që tregoi nënës tënde ku të kishte çuar ai burri.
I tha ky do ti tregoj më vonë se jam i trembur. Fillimisht e kishte trokitur te xhami dhe i kishte thënë hajde se do të jap lekë. Ky i kishte thënë nuk dua lek se më jep mami. Pastaj e kishte mashtruar djalin dhe e kishte çuar në disa pemë të një bashkëfshatarit tonë, poshtë varrezave dhe aty më pas kishte kryer veprime me djalin tim të mitur.
I kishte bërë disa pyetje për marrëdhënie seksuale, që ai është vetëm një djalë i mitur. E kishte prekur ai, por djali nuk e kishte lënë, e kishte shtyrë”, ka pohuar nëna e 15-vjeçarit për Euronews Albania e cila më tej ka bërë thirrje për drejtësi dhe zbardhjen e plotë të kësaj ngjarje./Radar.al