Një lajm i bujshëm ka mbërritur së fundmi nga Spanja, e cila ka ndikimin e saj dhe në Kombëtaren shqiptare.
Media prestigjoze spanjolle, “Mundo Deportivo”, nëpërmjet një artikulli na zbuloi trajnerët që mund të zëvendësojnë argjentinasin Tata Martino në drejtimin e Inter Miamit.
Mes emrave të njohur si Xavi, Mascherano, Lampard et., një nga opsionet mbetet dhe emri i Sylvinhos.
Mundo Deportivo shton se Sylvinho është një opsion për Inter Miami, pasi braziliani bëri përshtypje në rolin e tij në drejtimin e Kombëtares së Shqipërisë.
David Beckham, që është gjithashtu dhe administrator i klubit amerikan, ku bëjnë pjesë yje si Messi, Suarez, Busquets etj., kërkon një trajner të ri për të nisur punën me skuadrën përpara sezonit të ri që starton në shkurt.