Pas pjesëmarrjes së tij në “Ferma VIP 2”, këngëtari i njohur Lim Hoti ka qenë së fundmi në qendër të vëmendjes.
Akoma më shumë ai u komentua në rrjet pasi ditën e djeshme djali io tij festoi 10-vjetorin e lindjes dhe Limi si rrallë herë ka zbuluar pamjen e tij.
Nëpërmjet një postimi në Instastory ai ndau një foto ku shfaqej krah vogëlushit të tij albi, dhe përbri shkroi: “Gëzuar ditëlindjen bir. Të dua.”
Limi ka folur për të birin dhe gjatë rrugëtimit në “Ferma VIP 2” por nuk ka ndarë detaje mbi pamjen e tij. Këngëtari shprehej se djali është shumë i zgjuar dhe flet tre gjuhë të huaja, gjermanisht, turqisht dhe anglisht. Ndërsa komentoi më tej dhe distancën mes tyre.
“Është shumë i zgjuar. Është 10 vjeç. Flet turqisht, gjermanisht dhe anglisht. Ama ka mentalitet amerikan. Erdhi para 6 muajsh, kisha 4 vite pa e parë. Më tha: Më premto që s’do më lesh më. Thashë me mendjen time të jetë kaq i zgjuar. Nuk jam përzier fare që dua ta mbaj unë sepse i kalon stresi fëmijës. Por do rritet dhe do i kuptojë. Unë e kam lënë 2 vjeç. Pastaj e kam takuar pas 1 viti pasi u ndamë dhe më pas 4 vite nuk e kam parë fare“, zbuloi Limi në Ferma VIP.
Kujtojmë se së fundmi emri i tij është komentuar gjerë e gjatë në rrjet dhe kjo për shkak të romancës që ai përjetoi me Alba Pollozhanin gjatë rrugëtimit të tyre në “Ferma VIP2”. / Radar.al
