Largimi i papritur i Lim Hotit dhe Alba Pollozhanit nga reality show “Ferma VIP” ishte një surprizë për të gjithë.
Dyshja në fjalë pasi mbyllën rrugëtimin e tyre në këtë spektakël, vendosën që të vijonin romancën dhe jashtë kamerave, të paktën kështu është menduar deri ditën e djeshme.
Pasi u mësua se ata po bashkëjetojnë në Tiranë, në banesën e Limi-t, marrëdhënia e tyre si duket nuk është dhe aq e mirë.
Teksa Alba mbrëmjen e djeshme ishte e ftuar në “ferm VIP”, Limi shokoi me lëvizjen e tij.
Ai postoi në Instastory një video ku shfaqej një vajzë provokuese, thuajse nudo, duke bërë sensuale.
Postimi u fshi menjëherë, por mjaftoi për të ndezur rrjetin dhe për të vënë në dijeni edhe vetë Albën, gjatë kohës që ajo ishte ende live në emision.
Reagimi i saj ishte i menjëhershëm: e informuar për atë që po ndodhte në shtëpi, Alba i dërgoi një mesazh vajzës që shfaqej në video, duke i kërkuar të largohej menjëherë nga rezidenca e Limi-t, përndryshe paralajmëroi “tërmet”.
“Atëherë po bëj një thirrje publike për të gjithë banorët e rezidencës pranë liqenit, që të nisni të largoheni nga rezidenca sepse Alba Pollozhani do të jetë atje për 30 minuta dhe në rast se ndodh ndonjë tërmet unë nuk mbaj përgjegjësi për asnjë. Ah ju sugjeroj të rrini edhe poshtë rezidencës se mund të fluturojë nga dritarja ndonjë Hermes Prada ose Guçi dhe nuk dihet fati i kujt mund të jetë,” u shpreh ajo duke u larguar nga studio.
Për rrjedhojë ajo braktisi emisionin dhe u nis për në shtëpinë ku qëndrojnë bashkë.
