Policia e Brukselit është në kërkim të dy personave të armatosur që tronditën vendin pasi qëlluan me armë zjarri në një stacion metroje më 5 shkurt.
Pamjet shokuese tregojnë se si njëri nga dy personat qëllon nga një armë automatike rreth orës 6 të mëngjesit jashtë stacionit të trenit Clemenceau pranë qendrës së qytetit.
“Një operacion i madh kërkimi u nis pasi imazhet e e kamerave treguan dy të dyshuar duke ikur në tunelet e metrosë,” thanë prokurorët në një deklaratë.
“Në këtë fazë, nuk ka asnjë tregues për një motiv terrorist për këtë të shtënat”, u shprehën ata.
Autoritetet e transportit të Brukselit thanë se Clemenceau dhe stacioni i metrosë aty pranë Midi ishin mbyllur me urdhër të policisë dhe trafiku në dy linja ishte ndërprerë pasi ata filluan kërkimet në tunelet e sistemit të metrosë.
Një video tjetër tregoi një grup të madh policësh të armatosur rëndë të mbledhur në stacionin Clemenceau, ndërsa një kërkim masiv për të dyshuarit kishte nisur./Radar.al
