Një aksident rrugor është regjistruar sot mbrëma në aksin Fier–Cakran, në vendin e quajtur “Kthesa e Cakranit”, ku janë përplasur dy automjete tip “Ford” dhe “Volkswagen”.
Sipas informacionit zyrtar të Policisë së Fierit, aksidenti ka ndodhur rreth orës 20:30, kur automjeti me drejtues shtetasin M. Sh. është përplasur me automjetin e drejtuar nga shtetasi D. Sh. Si pasojë e përplasjes, tre pasagjere — shtetaset K. C., 25 vjeçe, L. C., 52 vjeçe dhe I. C., 30 vjeçe — kanë pësuar lëndime të lehta.
Të plagosurat u transportuan me urgjencë në Spitalin Rajonal të Fierit, ku po marrin trajtimin e nevojshëm mjekësor. Fatmirësisht, gjendja e tyre shëndetësore raportohet të jetë jashtë rrezikut për jetën.
Ndërkohë, grupi hetimor ndodhet në vendngjarje dhe po vijon punën për të sqaruar plotësisht shkaqet dhe rrethanat e këtij aksidenti.