Kreu i SPAK-ut, Altin Dumani, ka zhvilluar sot në mëngjes një takim me gazetarët, për të cilët ka ndarë detajet për disa nga çështjet më të nxehta, që janë në hetim. Lidhur me hetimet për aferën e klubit “Partizani”, ku janë vendosur në arrest shtëpie Sali Berisha dhe dhëndrri i tij, Jamarbër Malltezi, gazetarja e Top Channel, Anila Hoxha raportoi se, sipas Dumanit, dosja do t’i dorëzohet gjykatës kur hetimet të jenë mbyllur.
Sipas kreut të SPAK-ut, janë grumbulluar të gjitha provat e nevojshme. Dumani ka ndarë me gazetarët informacionin se janë kryer edhe hetimet pasurore të Sali Berishës dhe Jamarbër Malltezit.