TIRANE- Zbulohet kush janë personat e përfshirë në konfliktin me sende të forta këtë mesditë pranë TEG.
Burimet bënë me dije se dy djem janë konfliktuar fizikisht pasi kishin mbërritur në rrethrrotullimin pranë qendrës tregtare të thirrur nga dy vajza.
Vajzat mësohet se ishin shofere të dy mjeteve që janë përfshirë në aksident më herët.
i pari që ka mbërritur në vendin e ngjarjes ka qenë Fatjon Dauti, i cili më pas është konfliktuar me të afërmin e njërës prej shofereve, Marjo Barami.
Fatjon Dauti ka përfunduar në spital dhe po merr ndihmë mjekësore. Policia njofton se në vendin e ngjarjes ka gjetur edhe një armë zjarri, por nuk dihet se cilit prej personave të përfshirë në sherr i përket.
“Më datë 22.08.2024, në afërsi të rrethrrotullimit të Teg-ut, dyshohet se për shkak të një konflikti të çastit për një fërkim mjetesh, janë konfliktuar me sende të forta shtetasit F. D., dhe M. B. Gjatë konfliktit është dëmtuar me sende të forta shtetasi F. D., i cili po transportohet në spital për ndihmë mjekësore”, tha policia.
Përgatiti Radar.al