HIMARË– Policia e Himarës ka nisur një procedim penal për 66-vjeçarin A.GJ., pasi ka shtyrë me forcë, për shkak të detyrës kryeinspektorin e Inspektoriatit të Mbrojtjes së Territorit të Bashkisë Himarë, M. M., 43 vjeç.
NJOFTIMI I POLICISË:
Drejtoria Vendore e Policisë Vlorë
Komisariati i Policisë Himarë referoi materialet në Prokurori dhe nisi procedimi penal për shtetasin A. Gj., 66 vjeç, banues në Tiranë, pasi ka bërë kallëzim shtetasi M. M., 43 vjeç, banues në fshatin Bolenë, me detyrë kryeinspektor i Inspektoriatit të Mbrojtjes së Territorit të Bashkisë Himarë, se shtetasi A. Gj. e ka shtyrë me forcë, për shkak të detyrës.
Nga Komisariati i Policisë Vlorë u kryen veprimet procedurale për rastin e ndodhur më datë 16.12.2024, në lagjen “Osman Haxhiu”, ku dyshohet se ka humbur jetën për shkaqe natyrale, në banesën e saj, shtetasja R. H., 35 vjeçe.
Nga Komisariati i Policisë Sarandë u kryen veprimet procedurale për rastin e ndodhur më datë 15.12.2024, në lagjen nr. 1, ku dyshohet se për shkaqe aksidentale ra zjarr në një dhomë në banesën e shtetases A. M., ku u shkaktuan vetëm dëme materiale.
Seksioni i Policisë Rrugore në Komisariatin e Policisë Sarandë arrestoi në flagrancë shtetasin E. H., 65 vjeç, banues në Sarandë, pasi është konstatuar duke drejtuar motomjetin, pa leje drejtimi.
Materialet procedurale i kaluan Prokurorisë, për veprime të mëtejshme./Radar.al