TIRANË– Të paktën katër persona kanë rënë në prangat e policisë së Tiranës gjatë operacionit të koduar “Catch”, për disa vepra penale.
Një 33-vjeçar nga Tirana u vu në pranga pasi Prokuroria lëshoi urdhër ndalimi ndaj tij për ‘dhunë në familje’ dhe ‘prodhim dhe mbajtje pa leje të armëve, armëve shpërthyese dhe municionit’. Ndërkohë një 36-vjeçar u arrestua pas vendimit të Gjykatës së Tiranës, e cila e kishte dënuar me 3 vite e 4 muaj burg për ‘plagosje të rëndë me dashje’, 10 muaj për ‘Shkelje të rregullave të qarkullimit rrugor’ dhe ‘largim nga vendi i aksidentit’, si dhe masa e sigurisë ‘arrest në burg’ për veprën penale ‘përndjekjsa’.
Një 42-vjeçar u arrestua pasi ishte dënuar nga gjykata me 3 muaj burg për ‘vvjedhje’. Sakaq, një 41-vjeçar, i dënuar më parë me 5 vite burg nga Gjykata e Apelit Gjirokastër për ‘ndihmë për kalim të paligjshëm të kufijve’, u arrestua për të përfunduar 11 muaj e 21 ditë të mbetura nga dënimi i tij.
NJOFTIMI:
Tiranë/Vijon operacioni policor i koduar “Catch”, për kapjen e shtetasve të shpallur në kërkim.
Kapen 4 shtetas në kërkim, të dënuar/akuzuar për vepra të ndryshme penale.
Strukturat e DVP Tiranë, si rezultat i kontrolleve në terren të kryera në bazë të informacioneve të siguruara në rrugë operative, në kuadër të operacionit “Catch”, kapën dhe vunë në pranga 4 shtetas të shpallur në kërkim, konkretisht:
-Specialistët për Hetimin e Krimeve të Komisariatit e Policisë Nr. 2 kapën dhe ndaluan shtetasin J. P., 33 vjeç, banues në Tiranë, pasi Prokuroria ka lëshuar urdhër ndalimi për të, për veprat penale “Dhuna në familje” dhe “Prodhimi dhe mbajtja pa leje e armëve, armëve shpërthyese dhe i municionit”.
-Specialistët për Hetimin e Krimeve të Komisariatit të Policisë Nr. 4, në bashkëpunim me shërbimet e Komisariatit të Policisë Nr. 2, kapën dhe ndaluan shtetasin A. K., 36 vjeç. Këtë shtetas, Gjykata e Tiranës e ka dënuar me 3 vjet e 4 muaj burgim, për veprën penale “Plagosja e rëndë me dashje”; me 10 muaj burgim, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”; si dhe i ka caktuar masën e sigurisë “Arrest në burg”, për veprën penale “Përndjekja”.
-Specialistët për Hetimin e Krimeve të Komisariatit të Policisë Nr. 4 në bashkëpunim me sherbimet e Komisariatit të Policisë Rrugore kapën dhe ndaluan shtetasin A. H., 42 vjeç, pasi Gjykata e Tiranës e ka dënuar me 3 muaj burgim, për veprën penale “Vjedhja”.
-Specialistët për Hetimin e Krimeve të Komisariatit të Policisë Nr. 4 kapën shtetasin G. H., 41 vjeç. Nga dënimi me 5 vjet burgim, i dhënë nga Gjykata e Apelit Gjirokastër, për veprën penale “Ndihma për kalim të paligjshëm të kufijve’’, këtij shtetasi i kanë mbetur për të kryer 11 muaj e 21 ditë burgim. Veprimet e tjera procedurale për këtë shtetas do të kryhen nga DVP Gjirokastër.
Materialet procedurale iu referuan Prokurorisë së Tiranës, për veprime të mëtejshme./Radar.al