Detaje të reja janë zbardhur nga përfshirja e azilit në flakë ku mbetën të lënduar disa të moshuar në orët e para të mëngjesit të kësaj të shtune në Tiranë.
Siç ju raportuam dhe pak më herët shkak i ngjarjes është bërë një batanije me korent që përdorej nga një i moshuar.
Zjarri përfshiu azilin e të moshuarve “Joshua Center” në rrugën “Ali Visha.
Stafi ka njoftuar Policinë e Tiranës dhe menjëherë drejt institucionit janë nisur efektivët e Komisariatit nr.1 dhe ata të Forcës “Shqiponja”.
Siç mudn të dallohet dhe nga pamjet, efektivët janë futur mes tymit dhe flakëve duke marrë në krah të moshuarit.
Katër nga të moshuarit që jetonin në këtë azil janë dërguar në spital dhe po marrin ndihmë mjekësore, kryesisht për shkak të asfiksisë nga tymi.
Grupi hetimor ka marrë dëshmitë e stafit dhe po punon për sqarimin e shkaqeve dhe rrethanave të ngjarjes.
Paraprakisht, dyshohet se shkak është bërë një batanije elektrike që ishte vendosur nga një i moshuar.
Më datë 05.10.2024, rreth orës 00:15, Policia ka marrë njoftim se në një azil në rrugën “Ali Visha”, kishte rënë zjarr dhe të moshuarit që akomodohen në ambientet e azilit, kishin mbetur të bllokuar. Shërbimet e Komisariatit Nr. 1 dhe ato “Shqiponja”, u kanë shkuar menjëherë në ndihmë të moshuarve.
“Shërbimet e Komisariatit të Policisë Nr. 1, bashkë me shërbimet e Sektorit të Forcës së Posaçme “Shqiponja”, kanë shkuar menjëherë në adresën e dhënë dhe në bashkëpunim me shërbimin zjarrfikës, kanë evakuuar banorët dhe kanë bërë të mundur fikjen e zjarrit.
Janë dërguar në spital për ndihmë mjekësore 4 të moshuar, të cilët ndodhen jashtë rrezikut për jetën. Nga këqyrja e vendit të ngjarjes dhe veprimet e para hetimore dyshohet se zjarri ka rënë aksidentalisht. Materialet procedurale i kaluan Prokurorisë”, njofton Policia e Tiranës.
LEXO EDHE: