Detaje të reja janë mësuar nga vrasja e 68 vjeçarit në Mirditë, ku Frederik Radi u ekezekutua nga dritarja e dhomës së tij teksa po flinte.
Sipas burimeve dyshohet se ngjarja ndodhi mbrëmjen e së dielës, duke qenë se kjo ka qenë hera e fundit që familjarët kanë kontaktuar me të.
Dyshohet se 4 vite më parë ai u kërcënua nga disa bashkëfshatarë me armë për kullotat. Por, Radi nuk e denoncoi ngjarjen në atë kohë dhe çështja u mbyll mes bashkëfshatarëve.
Ndërsa familjarët shprehen se viktima çdo verë shkonte në fshat për të mbrojtur kullotat. Sipas burimeve mësohet se Radi u vra në banesën në mal ku ai qëndronte i vetëm.
Për Radin nuk ishte hera e parë që flinte i vetëm në mal, por fatkeqësisht kjo ishte hera e fundit.
Mësohet se 68-vjeçari telefonatën e fundit e kishte me të motrën, ndërsa të hënën e bija e ka telefonuar disa herë, por nuk është përgjigjur.
Si pasojë e mospërgjigjes nga babai I saj, Leonora Radi ka vajtur në vendin ku qëndronte i ati dhe e ka gjetur me plumba në trup dhe pa shenja jete.