Përsa i përket situatës së papritur të ndodhur sot në Bunec të Lukovës, menjëherë ka ardhur një reagim nga ana e Ministrisë së Mbrojtjes.
Mësohet se rreth orës 12:26 të kësaj të Enjteje, hidrocentrali i Sasajt pësoi një shembje.
Për rrjehdojë të ngjarje Ministria e Mbrojtjes bën me dije se janë dëmtuar 12 biznese.
“Në momentin e shembjes ka patur rreth 15.000 metra kub ujë. Si pasojë ka prezencë uji dhe balte në 12 biznese në Bunec dhe është dëmtuar baza ushqimore e blektorisë ne 2 familje. Nuk ka probleme në njerëz”, thotë Ministria.
“Teksa po punohet për pastrimin e baltës së krijuar, tanimë aksi Bunec-Piqeras është i kalueshëm.“Situata po ndiqet nga prefektura Vlorë dhe strukturat e emergjencave civile të bashkisë Himarë. Ministria e Mbrojtjes, Agjencia Kombëtare e Mbrojtjes Civile dhe Forcat e Armatosura janë përherë në gatishmëri, në ndihmë të komunitetit”, përfundon MM.