Pas debatit me sekretarin e përgjithshëm të Partisë Demokratike, Flamur Noka, në mbledhjen e degës Paskuqan–Kamëz, Anila Aliaj është përjashtuar nga funksioni i anëtares së kryesisë së degës.
Aliaj e cilëson këtë vendim si një dënim politik ndaj zërit të saj kritik dhe shpreh se masa u mor pasi ajo kishte informuar anëtarët e kryesisë për zhvillimet e mbledhjes.
Në një reagim të gjatë në Facebook, Aliaj shkruan se pavarësisht përjashtimit, ndihet fitimtare, sepse ka marrë respekt dhe mbështetje nga mijëra qytetarë:
“Fituese pa figurë, pa pushtet, por vetëm me dinjitet, forcë dhe zë. Unë fitova respektin dhe mbështetjen, ju fituat mospërfilljen dhe faqen e zezë.”
Ajo gjithashtu përmend se ishte e vetmja grua mes 70 burrave në sallë, por sipas saj, ka më shumë guxim dhe vendosmëri se shumica e tyre:
“Vertet jam femër, por kam burrni shumë më shumë se ju. I pa burrni nuk është ndryshe, vetëm si ju.”