Misioni i Bashkimit Europian për Sundimin e Ligjit në Shqipëri (EUDEL) ka shprehur tronditjen e thellë pas aktit të dhunës që rezultoi me vrasjen e gjyqtarit të Gjykatës së Apelit, Astrit Kalaja, dhe plagosjen e dy qytetarëve të tjerë. EUDEL dënon fuqimisht këtë ngjarje kriminale dhe i shpreh ngushëllimet më të thella familjes së të ndjerit.
Delegacioni i BE-së thekson se kjo tragjedi nxjerr në pah nevojën urgjente për të rritur sigurinë e gjyqtarëve dhe prokurorëve në Shqipëri, si dhe për të marrë masa të menjëhershme për garantimin e sigurisë në sallat e gjykatave. EUDEL konfirmon gjithashtu mbështetjen e palëkundur të Bashkimit Europian për reformën në drejtësi dhe për mbrojtjen e sundimit të ligjit në vend.
“Ne dënojmë fuqimisht këtë akt kriminal dhe i shprehim ngushëllimet më të thella familjes së gjyqtarit Kalaja. Kjo tragjedi thekson nevojën urgjente që Shqipëria të rrisë sigurinë e gjyqtarëve dhe prokurorëve dhe të marrë të gjitha masat e nevojshme për të garantuar sigurinë në sallat e gjyqit,” thekson EUDEL.