Në fshatin malor Turaj të Kukësit, reshjet e dendura të dëborës dhe erërat e forta kanë dëmtuar rrjetin elektrik, duke lënë pa energji rreth 20 familje.
Telat e këputur dhe nyjat e improvizuara kanë vështirësuar furnizimin, ndërsa ekipet e OSHEE-së kanë ndërhyrë menjëherë, duke u ngjitur në terren të vështirë për të riparuar defektet.
Sipas OSHEE Kukës, kushtet atmosferike të përkeqësuara kanë shtuar vështirësitë në terren. Megjithatë, ekipet janë në gatishmëri të plotë dhe po punojnë pa ndërprerje për të rikthyer energjinë elektrike edhe në kushte ekstreme.
Aktualisht, puna intensive vijon në zonën e prekur, ndërsa pjesa tjetër e qarkut furnizohet normalisht.