Deputeti i Partisë Demokratike, Dashnor Sula, deklaroi në një intervistë për News24 se është i gatshëm të kandidojë për drejtimin e PD-së, por vetëm nëse Sali Berisha largohet nga posti i kryetarit.
“Nëse në PD vijojnë të jenë Sali Berisha, Flamur Noka e Albana Vokshi, unë nuk e shkel më atë prag,” – u shpreh Sula, duke theksuar se prania e këtyre figurave vetëm sa e dëmton dhe e çon drejt shpërbërjes partinë.
Sula shtoi se, në mungesë të një reformimi real brenda PD-së, ai nuk e përjashton mundësinë e nisjes së një nisme të re politike, duke përmendur krijimin e një “poli të tretë” si alternativë ndaj forcave aktuale në politikën shqiptare.
“Do të doja të jepja kontribut për një riorganizim të së djathtës, ndoshta përmes një poli të tretë,” – theksoi ai.