ITALI– Mediat italiane kanë shkruar për ngjarjen e rëndë që ndodhi në ujërat italiane, ku u fundos superjahti britanik. Nga kjo ngjarje mbetën 7 viktima. Sëfundmi pas përfundimit të autopsive raportohet se 4 nga 7 viktimat e jahtit Bayesian mund të kenë ndërruar jetë pasi atyre iu mbaroi ajri në kabiinë dhe vendi është mbushur me dioksid karboni.
Kujtojmë se mes 7 personave që humbën jetën pas mbytjes së jahtit 30 milionë paund në pronësi të manjatit të teknologjisë Mike Lynch, është vet manjati 59-vjeçar dhe vajza e tij 18-vjeçare Hannah, e cila do të fillonte studimet në Universitetin e Oksfordit këtë muaj.
Gjithashtu të vdekur mbetën edhe 4 nga të ftuarit e tij, përfshirë dhe një anëtar të ekuipazhit që u gjet i vdekur në orët e para pas ngjarjes.
Sikurse shkruan edhe La Repubblica, autopsitë e kryera në trupat e 4 prej viktimave të tragjedisë kanë treguar deri më tani se nuk kishte ujë në mushkëri, duke rritur mundësinë e frikshme që ata të ishin të vetëdijshëm kur u fundos jahti.
Kryetari i Morgan Stanley International, Jonathan Bloomer, 70 vjeç, gruaja e tij Judy, si dhe avokati i Nju Jorkut, Chris Morvillo dhe partnerja e tij Neda, nuk kishin shenja lëndimi, raportojnë mediat italiane.
Në një artikull të “La Repubblica” shkruhet se gjatë autopsisë, nuk u gjet ujë në mushkëritë e Jonathan dhe Judy Blumer, as në stomakun dhe trakenë e tyre. E njëjta gjë vlen edhe për çiftin Morvilos, autopsia e të cilëve u krye të hënën e kaluar. Gazeta thekson se disa analiza janë ende në pritje.
LEXO EDHE: Mbytja e jahtit britanik/ Pas shumë kërkimesh gjendet edhe trupi i vajzës së biznesmenit britanik
Gazeta italiane shkruan se skenari më i mundshëm është se katër personat, të cilët u gjetën me Mike Lynch në një kabinë në anën e majtë të varkës, vdiqën pasi konsumuan oksigjenin në tubat e ajrit që ishte krijuar gjatë fundosjes së varkës.
La Repubblica ngre teorinë, bazuar në provat për natën e mbytjes tashmë të njohura, është si vijon: Angela Barcares, gruaja e Lynch, që zotëronte jahtin luksoz, u zgjua nga moti i keq dhe u ngjit nga kabina e saj në kuvertë, ku ishin tashmë 9 nga 10 anëtarët e ekuipazhit.
Bayesian-i po tundej në stuhi, objektet binin dhe thyheshin, dhe gruaja, duke kuptuar rëndësinë e situatës, u përpoq të zbriste në kabina për të paralajmëruar burrin dhe vajzën e saj. Teksa po tentonte të shkonte tek ta këmbët i ishin prerë nga xhami i thyer në dysheme. Uji hyri në Bayesian dhe ajo nuk mundi të arrij kabinën./Radar.al