TIRANË– Kombëtarja kuqezi të shtunën e 7 Qershorit do të luajë në në orën 20:45 kundër Serbisë në “Arenën Kombëtare” në Kryeqytet, një sfidë e vlefshme kjo për Grupin K kualifikues të Kupës së Botës 2026. Ndërkohë kërkesat për bileta kanë kapërcyer numrin e 200 mijëve, por çmimet në tregun e zi apo në faqet online që përdoren nga mbajtësit për rishitje, çmimet janë vërtet ‘të kripura’.
Teksa bëjmë një kontroll në “viagogo.com”, do të shohim se një numër i madh biletash kanë dalë në shitje në këtë platformë, nga ata që me gjasë kanë siguruar një të tillë, pasi nëse biletat nuk janë të sakta, platforma mbron blerësit.
Përve faktit që biletat janë të afishuara për rishitje, bie edhe argumenti i FSHF-së për biletat e personalizuara dhe secila me emër.
Në sektorë të ndryshëm të stadiumit, duke nisur nga pas porte e deri në tribunën VIP, biletat variojnë nga 180 deri në 1500 euro. Në sektorin Ë104 të tribunës VIP të “Arenës Kombëtare”, ende janë në shitje dy bileta me çmimin 1500 euro për secilën.
Në ndryshim nga herët e tjera, FSHF për ndeshjen kundër Serbisë si fillim hapi procesin e aplikimit për bileta dhe më pas do kishte “një përzgjedhje rastësore automatike”. Kjo mënyrë duket se ka sjellë kaos për biletat dhe Federata e ka shtyrë me dy ditë procesin e shortit elektronik (mbyllen sot, 4 qershor). Kujtojmë se organi i futbollit konfirmoi se për sfidën kundër Serbisë e cila luhet më 7 qershor në “Arenën Kombëtare”, ishin më shumë se 200 mijë kërkesa për bileta, ndërsa stadiumi ka 22 mijë ulëse në total./Radar.al
Tjetër dështim më 11 Maj/ Lulzim Basha mbyll selinë e partisë që krijoi 2 muaj para zgjedhjeve