Një ngjarje e rëndë është zbuluar së fundmi në SHBA, ku burrë e grua nga Kosova u gjetën të vrarë me armë zjarri.
Sipas mediave të huaja, rrethanat dhe shkaqet e ngjarjes mbeten ende të paqarta, ndërkohë që autoritetet po vijojnë hetimet.
Burimet bëjnë me dije se ngjarja ndodhi në Florida të SHBA-ve, mbrëmjen e 27 nëntorit, ku Pajtim Krasniqi nga Peja u gjet pa shenja jete së bashku me bashkëshorten e tij.
Për këtë ngjarje të rëndë, ka reaguar edhe vetë motra e Pajtimit, Albana përmes një rrjet. Motra e Pajtimit, ka akuzuar gruan e këtij të fundit për vrasjen makabre.
“Gruaja e Pajtimit zgjodhi t’ia merrte jetën vëllait tim, kur ajo e qëlloi me 5 plumba në krahërorin e tij. Personit të cilin i besonte kaq shumë, personin të cilin e zgjodhi të kalonte jetën edhe ia mori. Ajo e tradhtoi atë, dashurinë dhe besimin e tij. Ajo e shkatërroi familjen time. Unë dhe vëllëzërit e motrat e mia nuk do të jemi më kurrë njësoj. Jam e tmerruar që nëna ime nuk do ta kalojë kurrë këtë. Festën e Falenderimeve nuk e kalova me burrin dhe fëmijët e mi. Nuk e kalova me miqtë e mi. Këtë ditë e kalova me policët, hetuesit dhe lajmet që flisnin për vrasjen e egër dhe të pakuptimitë të vëllait tim të vogël nga gruaja e tij”, shkruan ajo më tej.
Ky rast tragjik ndodhi në mesnatë, në katin e 45-të të apartamentit, ku qëndronte çifti i shqiptarëve të Kosovës. Raportohet se janë dëgjuar së paku gjashtë të shtëna të njëpasnjëshme, të cilat lanë të vdekur burrë e grua.