Një masë e papritur që nuk do t’i pëlqejë shumë njerëzve vendas si dhe turistëve, u njoftua gjatë të hënës nga kryebashkiaku i Romës, Roberto Gualtieri dhe nënkryetari i Bashkisë së Kulturës, Gianluca Honorato.
Vendimi i ri për ndalimin e hedhjes së monedhave në Shatërvanin e Trevit ngjalli goxha polemika nëpër rrjet.
Tashmë shatërvani bëhet me dije se do të rrethohet më një xham transparent si dhe do të krijohet një podium i ngritur gjysmë rrethore, e cila do lejojë vizitorët të afrohen shumë pranë ujit.
Qasja në podium nuk do të jetë e pakufizuar, por me një numër maksimal vizitorësh, të cilët së shpejti, nuk do të mund të hedhin më monedha në Shatërvan me kurriz të kthyer, por do t’i lënë ato në një shportë të veçantë.
Siç është lajmëruar, ndryshimet përkatëse do të hyjnë në fuqi nga muajt e parë të vitit 2025 dhe do të ketë një periudhë eksperimentale të zbatimit të rregullave të reja.
Në të ardhmen do të mundësohet se pritet të merret në konsideratë vendosja e një çmimi të ulët bilete, për të qenë në gjendje admirimin nga afër të shatërvanit të shekullit të 18-të.
Rezervimi online nuk do të jetë i disponueshëm në këtë moment.
Hyrja në pjesën e përparme të shatërvanit të Trevit do të rregullohet nga zyrtarë të cilët do të sigurojnë që të mos ketë mbipopullim, duke vendosur një kufizim në numrin e hyrjeve.