Detaje të reja kanë dalë në pah nga vrasja e dyfishtë e ndodhur së fundmi në fshatin Stanovc të Vushtrrisë.
Kujtojmë se pronari i furrës së bukës “Diellza”, Arsim Morina ka vrarë me armë zjarri punëtoren e tij, Nexhmie Haradini e më pas i dha fund jetës së tij.
Referuar së familjarëve të viktimës dyshohet se vrasja ka ndodhur për arsye xhelozie të ndërrimit të vendit të punës. Por nga ana tjetër nga informacionet që qarkullojnë në mediat kosovare mendohet të ketë patur dhe dëshmitarë të tjerë në lidhje me këtë ngjarje.
Gazetarja Majlinda Kovaçi, në një lidhje live në emisionin “Me Zemër të hapur” ditën e sotme ka rrëfyer të tjera detaje nga ngjarja.
“Sipas kunatit vrasja ka ndodhur për motive xhelozie sepse e ndjera ishte larguar 3 herë nga puna. Rreth 6 muaj kishte ndërprerë kontratën dhe punonte në një lokal përballe biznesit të autorit. Për shkak të konkurencës ai e vret zonjës. Pronari i kishte dërguar edhe një mesazh kërcënues për shkak të konkurrencës, referuar thënieve të familjarëve. Ekzistojnë edhe mesazhe që i ka dërguar bashkëshortit të së ndjerës ku i thotë: Ku po takohemi?”, shprehet gazetarja.
Ndërkohë thuhet se autoritetet vendase po vijojnë hetimet për zbardhjen e plotë të ngjarjes.