Një dekadë pas referendumit historik për Brexit-in, në Britaninë e Madhe po rritet mbështetja për një rikthim të plotë në Bashkimin Europian, sipas një studimi të publikuar nga The Guardian dhe organizata “Best for Britain”.
Sipas sondazhit, 53% e qytetarëve në total mbështesin rikthimin e plotë të vendit në BE, jo vetëm afrimin me tregun e përbashkët.
Mbështetja është veçanërisht e lartë te votuesit e partive progresiste:
- 83% e votuesve laburistë
- 84% e Liberal Demokratëve
- 82% e të Gjelbërve
Ndërkohë, në kampin konservator dhe te Reform UK, mbështetja mbetet më e ulët, përkatësisht 39% dhe 18%.
Ekspertët paralajmërojnë se qasja e kujdesshme e Partisë Laburiste ndaj çështjes së BE-së mund t’i kushtojë mbështetje në zona kyçe elektorale, përfshirë të ashtuquajturin “red wall”.
Në referendumit e vitit 2016, 52% e britanikëve votuan për dalje nga BE-ja, ndërsa 48% për qëndrimin. Vendimi shkaktoi ndarje të thella politike dhe sociale në vend dhe e bëri Mbretërinë e Bashkuar shtetin e parë që u largua nga Bashkimi Europian pas anëtarësimit në vitin 1973.
Procesi i daljes zgjati rreth dy vite dhe u finalizua me Brexit-in zyrtar, që vazhdon të mbetet një nga çështjet më të debatueshme në politikën britanike.