Ish-banorja e Big Brother VIP Albania 3, Françeska Murati, ka bërë bujë pas njoftimit se ka blerë një apartament luksoz pranë Liqenit Artificial të Tiranës. Modelja që ka jetuar në Londër ndau me ndjekësit video nga shtëpia e re, por reagimet në rrjet nuk vonuan.
Shumë nga ndjekësit e pyetën hapur se si mundi të sigurojë një shumë kaq të madhe, që besohet të jetë rreth 700 mijë euro. “Ku i more këto lekë, 700 mijë? Nuk ka shtet që e justifikon,” shkruante një komentues.
Të tjerë shtuan me sarkazëm se me aq investim do të mund të blinte shtëpi edhe në Amerikë, ndërsa dikush tjetër e pyeste: “Meqë ke punuar që në moshë të re, si i ke fituar këto para?”.
Françeska, e njohur për stilin e saj ekstravagant gjatë pjesëmarrjes në BBVA, ka ngjallur gjithmonë kuriozitet dhe debate me pamjen dhe jetën luksoze që shfaq.