Reality show më i komentuar dhe më i ndjekur në Shqipëri rikthehet këtë fundvit me një sezon të ri, i cili premton surpriza, energji të reja dhe rekord të ri audience.
Nga data 20 dhjetor, “Big Brother VIP 5” do të nisë transmetimin duke mbërthyer para ekranit miliona shikues brenda dhe jashtë vendit. Pavarësisht zërave, spektakli do të drejtohet sërish nga Ledion Liço, i cili rikthehet në skenë për të hapur portat e një aventure të re televizive.
Ndërkohë, rrjetet sociale janë të mbushura me zëra dhe lista të mundshme konkurrentësh, por asgjë nuk është konfirmuar ende. Publikut i mbetet vetëm të presë për të zbuluar se cilët VIP-a do të futen në shtëpinë më të famshme në vend, ku do të vëzhgohen 24 orë në 24 nga qindra kamera, përmes dy kanaleve të dedikuara në DigitAlb.
“E ardhmja është e shkruar…E ardhmja nis prej 20 dhjetorit!”, shkruajnë organizatorët.