TIRANË– Në një kohë që kryedemokrati Sali Berisha nuk u paraqit në SPAK për dosjen e 21 janarit, Prokuroria e Posaçme ka sqaruar procedurat e njoftimit të kryera ndaj Sali Berishës, duke njoftuar se deri më tani janë dërguar dy urdhër-thirrje zyrtare përmes shërbimit postar.
NJOFTIMI:
Sali Berisha nuk u paraqit në SPAK për dosjen e 21 janarin, Prokuroria e Posaçme ka sqaruar procedurat e njoftimit të kryera ndaj Sali Berishës, duke njoftuar se deri më tani janë dërguar dy urdhër-thirrje zyrtare përmes shërbimit postar.
Më datë 09.11.2025, është refuzuar marrja e zarfit të dërguar në banesë, ndërsa më 12.11.2025 Shërbimi i Burimeve Njerëzore dhe Trajtimit të Deputetëve në Kuvendin e Shqipërisë ka njoftuar se marrja në dorëzim e njoftimit është refuzuar nga stafi politik i grupit parlamentar të Partisë Demokratike.
Përmes shkresës është sqaruar gjithashtu se njoftimi për urdhër-thirrjen është dërguar edhe në adresën zyrtare të emailit:
sali.berisha@parlament.al, më datë 10.11.2025.
Prokuroria e Posaçme do të vijojë zbatimin e parashikimeve ligjore për njoftimin dhe paraqitjen e personit të thirrur, sipas afateve dhe detyrimeve të parashikuara në legjislacionin në fuqi./Radar.al
Nuk u paraqit në SPAK për çështjen e “21 Janarit”, Berisha: S’më ka ardhur asnjë fletëthirrje