Një goditje e rëndë për Real Madridin dhe trajnerin Çabi Alonso: mesfushori anglez Jude Bellingham ka vendosur t’i nënshtrohet një operacioni në shpatull, pas rreth 20 muajsh që ka luajtur me dhimbje të vazhdueshme.
Lëndimi i tij daton nga ndeshja me Rayo Vallecano në nëntor 2023, ku pësoi një dëmtim serioz që e ka shqetësuar prej atëherë. Pavarësisht trajtimeve dhe pushimeve, problemet kanë vazhduar, duke e detyruar të marrë vendimin për një ndërhyrje kirurgjikale këtë të mërkurë.
Operacioni do ta mbajë larg fushave për 2 deri në 3 muaj, duke bërë që Bellingham të mungojë në fillimin e sezonit të ri me kampionët e Europës. Kjo pritet të ndikojë në përgatitjet e skuadrës, ndërsa Alonso do të duhet të gjejë alternativa në mesfushë në mungesë të njërit prej lojtarëve kyç.