Presidenti i Republikës, Bajram Begaj, ka shprehur mbështetjen për protestën në sheshin “Skënderbej” në Tiranë, në mbështetje të luftëtarëve të UÇK-së që ndodhen në Hagë.
Përmes një postimi në Facebook, kreu i shtetit thekson se UÇK-ja është themel i lirisë së Kosovës dhe krenari e historisë kombëtare, duke nënvizuar se askush nuk mund të zhbëjë sakrificën dhe heroizmin e tyre. Postimi shoqërohej edhe me një foto nga tubimi, megjithëse presidenti nuk ishte fizikisht prezent në vendngjarje.
“UÇK-ja është themeli i lirisë së Kosovës. Ajo është krenari e historisë sonë kombëtare. Askush nuk mund të zhbëjë këtë trashëgimi trimërie, sakrifice e heroizmi”, shkruan Begaj.