Presidenti i Shqipërisë Bajram Begaj dhe homologia e tij, Vjosa Osmani ditën e sotme morën pjesë në ceremoninë e lamtumirës të zhvilluar për Papa Françeskun.
Bega ndau një mesazh në rrjet të cilin e shoqëroi me një fotografi ku ai dhe Osmani shihen të shoqëruar nga kardinali i parë shqiptar i emëruar nga Ati i Shenjtë, dom Ernest Simoni-Troshani.
Krah tyre vërehen dhe liderët e besimeve fetare në Shqipëri, kreu i ri i Kishës Orthodokse, Kryepeshkop Joani, kreu i Komunitetit Mysliman, Bujar Spahiu, kreu i Bektashinjve, Baba Mondi, si dhe kreu i Kishës Katolike në Shqipëri, i emëruar nga Papa Françesku, Arjan Dodaj.
Mesazhi i Presidentit Begaj:
Bashkë, për të nderuar Papa Françeskun.
Nderojmë kujtimin e Shenjtërisë së Tij, që na la një trashëgimi shpirtërore dhe morale për ruajtjen e dinjitetit njerëzor dhe të jetësojmë vizionin e tij për drejtësinë, solidaritetin dhe paqen.