Bashkimi Evropian ka vendosur që nga gushti i vitit 2026, restorantet, fast food-et, hotelet dhe baret të heqin qeset dhe paketimet njëpërdorimshe për erëza si ketchup-i, majoneza, kripa dhe vaji. Ky ndryshim bëhet pjesë e një programi të gjerë për zvogëlimin e mbetjeve plastike dhe ndryshimin e praktikave aktuale të paketuara, të cilat konsiderohen të paqëndrueshme për mjedisin.
Pikat e ushqimit të shpejtë dhe restorantet kishin kaluar më parë në përdorimin e enëve njëpërdorimshe për erëza, një praktikë që u fut gjithashtu në ushqimet e gatshme në supermarkete. Për pronarët e restoranteve dhe shitësit me pakicë, ky proces ishte fillimisht sfidues, por u konsiderua i dobishëm dhe praktik. Me ndryshimin e radhës, erëzat dhe salcat do të duhet të ofrohen në enë të qëndrueshme dhe të ripërdorshme, duke përfshirë edhe reçelet, sheqerin dhe gjalpin.
Rregullorja (BE) 2025/40, e njohur si Rregullorja e Paketimit dhe Mbeturinave të Paketimit (PPWR), ka tërhequr kritika për mënyrën se si do të zbatohet, pasi ndalimi gradual mund të shkaktojë sfida në sektorin e turizmit dhe mikpritjes. Megjithatë, afati i vendosur nga Brukseli konsiderohet i gjatë dhe parashikon një tranzicion të progresiv drejt paketimeve më miqësore me mjedisin.
Ky ndryshim nuk prek vetëm ushqimin, por gjithashtu produktet që zakonisht ofrohen në paketime plastike njëpërdorimshe, duke përfshirë edhe disa artikuj të higjienës personale. Qëllimi është të zvogëlohet gradualisht përdorimi i plastikës në qarkullim, pa shkaktuar ndikim të madh ekonomik, duke balancuar interesat e pronarëve të biznesit dhe mbrojtjen e mjedisit.