TIRANË– Fituesi i “Ferma VIP”, Dijonis Biba, ka tërhequr vëmendjen e mediave dhe rrjeteve sociale pas një basti të madh që vendosi për ndeshjen Serbi-Shqipëri.
Ai ka publikuar një skedinë basti prej 10 mijë eurosh për fitoren e Kombëtares, e cila u realizua pas golit të Rei Manajt, duke i sjellë atij një fitim prej 55 mijë eurosh. Ky sukses shpejt u kthye në një temë të nxehtë në media dhe rrjetet sociale.
Menjëherë pas fitores historike të 11 Tetorit, disa media dhe rrjete sociale filluan të përhapin lajmin se Policia e Shtetit kishte nisur hetime ndaj Bibës për shkak të bastit të tij. Ky spekulim ka të bëjë me faktin se bastet sportive janë të ndaluara me ligj në Shqipëri. Shumë shpesh, ky lajm ka sjellë aludime se Dijonis Biba mund të thirrej për shpjegime.
Megjithatë, një verifikim i fakteve ka treguar se nuk ka asnjë burim zyrtar që të konfirmojë nisjen e hetimeve ndaj tij. As Policia e Shtetit, as Prokuroria nuk kanë dhënë ndonjë deklaratë për këtë çështje. Pra, lajmi i hetimeve mbetet për momentin një spekulim i paverifikuar. Ndërkohë ende s’ka një reagim nga Biba sa u takon këtyre thashetheme, ndërkohë që publikimet vazhdojnë të qarkullojnë pa një konfirmim të zyrtarizuar. Kështu, për momentin nuk ka asnjë informacion zyrtar që të konfirmojë se Dijonis Biba është nën hetim për këtë çështje.