Çmimet e pasurive të paluajtshme në Shqipëri kanë përjetuar një rritje të madhe prej 44.5% gjatë vitit 2024, duke përfshirë apartamentet për banim, zyra dhe segmentet e tjera të tregut të pasurive të paluajtshme. Ky rritje ka pasur ndikim të drejtpërdrejtë edhe në çmimet e qirave, veçanërisht në Tiranë, ku vlera e pronave ka shënuar nivele më të larta.
Në raportin e stabilitetit financiar të Bankës së Shqipërisë, theksohet se kjo rritje e çmimeve ka sjellë gjithashtu një kërkesë më të lartë për kredi, ndërsa bankat kanë filluar të shtrëngojnë kushtet e huadhënies për të parandaluar rreziqet që mund të vijnë nga kredi të papaguara në sektorët më të ekspozuar.
Për të mbrojtur stabilitetin financiar të vendit, Banka e Shqipërisë ka kërkuar nga bankat e nivelit të dytë të shtojnë një rezervë kundërciklike kapitali prej 0.5%. Kjo masë synon të frenojë rritjen e kreditimit në sektorë të caktuar dhe të parandalojë ndikimet negative që mund të kenë ato në ekonominë e vendit.