Në kuadër të 35-vjetorit të Partia Socialiste e Shqipërisë, është zhvilluar një aktivitet në Fier, ku e pranishme ishte edhe drejtuesja politike e qarkut, Belinda Balluku.
Në fjalën e saj përpara të pranishmëve, Balluku falënderoi kontribuuesit ndër vite të Partisë Socialiste dhe theksoi rëndësinë e trashëgimisë politike të partisë, duke kujtuar rrugëtimin që nga vitet e para të pluralizmit.
“Ky është kryeqyteti i PS, ndryshe nga sa thonë vlonjatët”, u shpreh ajo, duke iu referuar Fierit si një nga bazat kryesore të socialistëve.
Ajo shtoi se zgjedhja e Apolonia për zhvillimin e aktivitetit nuk ishte rastësore, por simbolike, për të përcjellë mesazhin e lidhjes me historinë dhe rrënjët.
Balluku kujtoi gjithashtu zgjedhjet e majit 2025, duke deklaruar se aty “u shkrua historia e 12 mandateve”, ndërsa vlerësoi kontributin e figurave të ndryshme të partisë ndër vite, përfshirë Gramoz Ruçi, Taulant Balla dhe Erion Braçe.
Sipas saj, forca e Partisë Socialiste qëndron te vazhdimësia, kontributi i brezave dhe angazhimi politik në territor, veçanërisht në qarqet që kanë luajtur rol të rëndësishëm në rezultatin elektoral të partisë.