Shqipëria dhe Italia nënshkruan sot një marrëveshje të rëndësishme për përmirësimin e rrjetit të transmetimit të energjisë elektrike në veri të vendit, si pjesë e angazhimeve pas tërmetit të vitit 2019.
Zëvendëskryeministrja dhe ministrja e Infrastrukturës dhe Energjisë, Belinda Balluku, tha se kjo ndërhyrje do të sigurojë furnizim më cilësor dhe të qëndrueshëm me energji për komunitetet që u prekën më shumë nga tërmeti, duke ndikuar drejtpërdrejt në zhvillimin e zonës dhe përmirësimin e jetesës së qytetarëve.
“Marrëveshja për përmirësimin e rrjetit të transmetimit të energjisë elektrike në Shqipërinë e Veriut pas tërmetit të vitit 2019 është dëshmi e bashkëpunimit të ngushtë dhe miqësisë së qëndrueshme me qeverinë italiane dhe një tjetër hap i rëndësishëm drejt forcimit të infrastrukturës sonë energjetike,” – u shpreh Balluku.