Një hetim i New York Times ka zbuluar akuza të rënda për Errol Musk, babain e miliarderit Elon Musk, i cili dyshohet për abuzim seksual ndaj pesë fëmijëve të tij, biologjikë dhe të adoptuar.
Sipas dokumenteve, letrave dhe intervistave me familjarë, akuzat ndaj 79-vjeçarit datojnë që nga viti 1993, kur vajza e tij e adoptuar, vetëm 4 vjeçe, rrëfeu se ishte prekur në mënyrë të papërshtatshme. Disa vite më vonë, e njëjta vajzë dhe fëmijë të tjerë kanë bërë deklarata të ngjashme. Hetimet e policisë janë hapur tre herë, por dy prej tyre janë mbyllur pa rezultat, ndërsa fati i tretit mbetet i paqartë.
Errol Musk i ka mohuar kategorikisht akuzat, duke i quajtur “raporte të rreme” dhe duke fajësuar disa të afërm se kanë nxitur fëmijët të shpikin histori.
Elon Musk, i cili rrallë flet për të atin, e ka përshkruar atë si një figurë problematike. Në një intervistë për Rolling Stone në 2017, ai u shpreh:
“Babai im ka bërë pothuajse çdo gjë të keqe që mund të imagjinohet.”