Detaje të reja kanë dalë në pah në lidhje me atentatin e 17 prillit të ndodhur në Lundër nga i cili mbetën të plagosur 4 persona që nuk ishin objektivi i atentatit.
Burimet bëjnë me dije se së fundmi ka rënë pista ku thuhej se shenjestër e këtij atentati ishte gruaja e Sidorel Prendit alias Roan Brahimi, shtetësja me iniciale A.B. e cila banon në Lundër.
Referuar hetimeve të deritanishme atentati mësohet se ka ndodhur afro orës 21 e 30 minuta dhe pas pak minutash mjeti G Class që udhëtonin katër rinjtë mbërrin në Lundër i bërë shoshë nga plumbat.
Vetëm pas pak minutash thuhet se në Lundër kaloi edhe një G Class tjetër i cili ende nuk është identifikuar nga hetuesit pasi nuk ka pamje të qarta për të zbvuluar targën e saktë.
Ndërsa në oroarin e përmendur shtetësja me iniciale A.B. gruaja e Sidorel Prendit alias Roan Brahimi rezulton të ketë qenë në spitalin e Lezhës pasi para afro një ore i ekzekutuan vjehrrin.
Shtetësja me iniciale A.B. është nisur nga Tirana për në Lezhë, në orën 20 e 15. Në orën 21 e 15 ajo thuhet se ka qenë në spitalin e Lezhës. Më pas është kthyer në banesën e saj në Lundër dhe aty ka mbërritur në orën 23 e 30.
Në dëshminë e dhënë para hetuesve gruaja e Sidit deklaroi se nuk ka lidhje me atentatin në Tiranë dhe se ka qenë në Lezhë pasi e kishin lajmëruar se vjehrrin i saj ishte qëlluar më armë.
Hetuesit tashmë janë fokusuar te automjeti G-Class tjetër që kalon pak minuta më pas për të zbuluar nëse ka qëne ai shënjestër dhe jo mjeti ku udhëtonin katër të rinjtë.