Mediat greke raportuan të dielën se në atentatin ndaj shqiptarëve në Athinë ishin tre persona që u qëlluan, ku njëri ndërroi jetë në vendngjarje e tjetri u gjet i plagosur. Por lajmet për personin e tretë u ndalën deri sot kur është arritur të identifikohet.
Personi i tretë ndodhej në kafe me viktimën Irakli Davella dhe të plagosurin Edi Lulo alias Etmond Hysa ditën e djeshme para atentatit.
Ai ishte prezent në momentin e të shtënave dhe që është larguar me shpejtësi nga vendi ngjarjes.
Bëhet fjalë për një person me precedentë penalë në Greqi, i përfshirë në çështje gjobëvënie dhe vjedhje. Ka dyshime se personi mund të jetë plagosur lehtë gjatë ngjarjes.
Policia greke ka nisur kërkimet për të me qëllim që t’i marrë dëshminë. Kërkime njëkohësisht po bëhen edhe për mjetin tip “Polo” që dyshohet se është përdorur nga autorët.